Հայոց ցեղասպանության 109-րդ տարելիցին նվիրված արարողություն Պլեսսի-Ռոբինսոն քաղաքում

29 ապրիլի, 2024

Ապրիլի 27-ին՝ Ֆրանսիայում Հայոց ցեղասպանության ոգեկոչման միջոցառումների շրջանակում, Ֆրանսիայում Հայաստանի դեսպան Հասմիկ Տոլմաջյանը մասնակցեց Պլեսսի-Ռոբինսոն (Plessis Robinson) քաղաքի Ազատության հրապարակում տեղի ունեցած Հայոց ցեղասպանության 109-րդ տարելիցին նվիրված արարողությանը:

Հայոց ցեղասպանության զոհերի հիշատակի ոգեկոչմանը նվիրված միջոցառումը մեկնարկեց Հայաստանի Հանրապետության և Ֆրանսիայի Հանրապետության օրհներգերով, որից հետո ելույթներով հանդես եկան Ֆրանսիայում Հայաստանի դեսպան Հասմիկ Տոլմաջյանը և Պլեսսի-Ռոբինսոն քաղաքի քաղաքապետ Ֆիլիպ Պեմեզեկը: Հոգևորականների կողմից հնչեցվեց ոգեկոչման աղոթք՝ ի հիշատակ Հայոց ցեղասպանության զոհերի։

Այնուհետև տեղի ունեցավ ծաղկեպսակների զետեղման արարողություն Ազատության հրապարակում տեղադրված Զորավար Անդրանիկի հուշարձանի դիմաց, ինչպես նաև ծաղիկներ դրվեցին հուշարձանի կողքը գտնվող խաչքարի մոտ:

Միջոցառմանը հնչեց Հայոց ցեղասպանության զոհերի հիշատակին նվիրված Շարլ Ազնավուրի «Նրանք ընկան» (Ils sont tombés) հանրահայտ երգը:

Միջոցառմանը մասնակցում էին տեղական, ռեգիոնալ, դեպարտամենտների և քաղաքային իշխանությունների ներկայացուցիչները, Ֆրանսիայի համար մարտնչած ռազմիկների ասոցիացիայի անդամները և Պլեսսի-Ռոբինսոնի բնակիչները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր